NLD Cozah Nih Ramdang Miphun Sinak A Lami A Thleidang Maw?

Published in The Chinland Post|

Editor 2019 October 17| NLD cozah nih 2019 July 5 ah thawngthanhnak pakhat a tuah.  A thanhmi cu Australia, Germany, Italy, Russia, Spain le Switzerland ram hna cu October 1 thawk in Ramkomh Kawlram ah Visa soklo in, ‘Visa on Arrival’ timi in luh khawh a si cang a ti. USD $50 pek in, Ni 30 chung umnak nawl Tourist Visa cu Yangon, Mandalay le Nay Pyi Taw i International Airport in a lutmi nih Airport ah ramchung luhnak Visa cu tuah khawh a si cang tiah an thanh.

Hakha ah Cozah Project In Thil Tuahmi Kong Ah Ka Hmuhning: Ral Hmung Certual Shopping Mall Kong

Published in The Chinland Post on 14 October 2019

By Salai SH Lian– 2019 October 14| Chin ramkulh cozah uknak le khualipi ah lutlai nawlngeitu lubik hi a dotdot in kan zoh a si ahcun, Hakha ah khuasa in a um behmi le ṭhutdir a timmi an si bal lo ka ti ahcun ka palh lai lo dah. Cucu, Hakha khualipi a si hnu in nihin ni tiang kan si ning a si. Nihin ni tiang cozah an ṭuan dih in aa ṭhialkammi le an umnak hmun ah kir ṭhan a si peng ko rih! Hmailei zong ah a si thluahmah rih lai dah. Cun, Khualipi sinak in umhmun khuar ding ah Laimi hruaitu kan pa le nih Lairam khuapi hna hi (Chin Oo Sii) caah a sawh zong an rak sok lo i, a ham zong an rak ham lo timi cu tuanbia ah kan hmuh — Waibulah le a neel ṭha deuhmi Kalay-Khaikam le Gangaw kiangkam tu an rak sawh. Hi kong cu ka ṭial duh hnawh chan silo caah mah vial in za rih sehlaw, caan ṭha um tik ah kan peh ṭhan te lai!

Alem In Milem Ah A Cangmi Aung San Biakamnak

Published in The Chinland Post 

Salai SH Lian, 2019 September 17| Kum 70 tluk a buai cangmi Ramkomh Kawlram ah remdaihnak in thlenremhnak nih a daimi ramnuam Zaukphung cozah a sinak ding cu kan duh dihmi a si. Ahohmanh nih a duhlomi kan um lai lo dah! 2010 in 2015 ah USDP in NLD cozah sin in thlennak tampi a chuak theo lai tiah ruahchannak nganpi he rak bawh le orh cio cu a si. Cucu, kum 70 chung hngahmi, a hlei in 1988 hnu ah hngah hlang khunmi thlennak a hung si. Cucu, a hun hruaitu ah langsar bikmi cu NLD le Sianghleikai deuh pawl an rak si.

Aiawhtu Paul Scully MP (UK) Sining le Laimi Aiawhtu

Aiawhtu Paul Scully MP (UK) sining ka lung ah a hun um ngai i, ka hun thai!

Atu lio, UK Parliament ah MP a siliomi Paul Scully a thil tuah ning hi a dang ngai. Atutan hi, Dawr nganpi simi (Testco, Oldfields Road ummi) chung ah suimilam 1 chung leng dir in biaruahnak, biahalnak tbk. ngeih a duhmi hna caah a dir ko. Biaruahnak hmun a ser! A dangdang a tuahmi zong ka hmuh tawn. Pumpak zong in kan va ton.

Social Media Hmannak Nih A Chuahpimi ‘Nu’ Hna Lungthin Zawtnak

Salai Lian| 2019 June 25 (The Chinland Post)| Social Media (Facebook, Instagram, tbk.) hmannak nih ngakchia tampi karlak ah zawtnak le lungthin nuamhlo in lungrawhnak tiang a phanmi zawtnak phun tampi a chuahpi tiah hlathlaitu nih an hmuh.

Social Media a hmang deuhmi poahpaoh hi lungthin damlonak, lungrawhnak le lungzawtnak an ngei khun.

Hmuh, Ton le Ṭhen: Lungthin A Tangmi Bia

Vawlei cung hin ton le ṭhen ṭhan lengmang a si. Kan i ton ning a ruang, kan tonning cang bel cu a dang liangluang. Kan hnu kum atu tik hi, Canada ram Quebec ramkulh i khualipi Montreal ah keimah lawng in caan ka rak hmang.

Laimi an um rua lo! A silo ah, Laimi tlawmte lawng umnak a si kho men, a ummi ka hngal manh hna lo. Kachin cu an um an ti. Mah lawng um lio caan ah hin chungkhar le hawile hlam khun a si ṭheo, nan ti cio lai dah! Thla khat tluk dengmang a si. Hi lio caan ah chungkhar le hawikom ṭhing tluk tein a ka dawtu nupa ka va paoh hna. An nupa in ka hmuh le cangka hna in ka tlaihchan phun an si. An ka dawt i, tlaihchan ve, rian kong le a dangdang ah khua ma chel ahcun Skype in kan i chawn ṭheo tawn. An nu hi Philippines in a pemmi a si i, Bing tiah an auh. An pa hi cu, anmah Montreal mi a min ah Dominic a si.

Vawleicung Ram Nuam Bik "Finland"

Vawleicung Ram Nuam Bik Finland, Denmark le Norway An Si; Australia 10nk le US 19nk An Si

The Chinland Post (Online)| 2019 June 17 - Vawleicung ah Scandinavian ram pawl hi um a nuam biknak an si timi hi a dikfel chin thluahmah ko cang. Atu kum 2019 Vawlei Nuamnak Ripawt nih Nordic ram nih pakhtnak in panga nak tiang an tlaih.

Finland ram nih kum hnih khengte pakhatnak a tlaih cang. Denmark nih pahnihnak, 2017 ah pakhatnak simi Norway pathumnak le Iceland tiah an hun i zul duahmah. The Netherlands ram zong a cunglei panganak ah aa tel. Cu hnu ceo ahcun, Switzerland, Sweden, New Zealand, Canada le Australia tbk. cu a cunglei bik 10 chung ah a telmi ram an hung si.

Chin Party Nih Cawntlak Australia Zuamcawhtu Party Hruaitu Mr. Bill Shorten

Editorial| 2019 May 19| Kum 2019 Australia rampi thimnak ah ruahning bantuk siloin khuaruahhar thil a cang. Labour nih an tei hrimhrim lai tiah chim chungmi a si. Nain, atulio cozah tlaitu Liberal nih an tei than ai.

Cozah tlailiomi, Prime Minister Scott Morrison nih, “khuaruahhar thil (miracles) a cang timi hi ka zumh zungzalmi a si,” tiah teinak a fian in lawmhnak an tuahnak hmun ah a chim.

India Ambassador Vikram Misri Le Hakha Khuami Ton Biaruahnak

India Ambassador Mr. Vikram (Chinland Post Office)

Editor| 2018 November 21| India nih Ramkomh Kawlram ah palai an thlahmi a sang bik Ambassador Vikram Misri le Consul General Dr. Kumar Paraveen cu Chin ramkulh khualipi Hakha, 2018 November 20 ah an phan.

Laimi Nuva Catial An Karh, Zulhphung An Nganh Sual Maw?

The Chinland Post Editorial| Atulio ah, Laimi a bik in Hakha-Thantlang ahhin a si theo lai, Online ah catial in thawngpang doklo, hmuhning doklo, sining doklo, tbk. catialtu hun karhnak caan hi a kum fai a hung si cang. Blogspot in Website ah sining thlen in, catialnak hmunhma hun iserh i catial cio cu a si. A thatnak he a chiatnak he tampi a um theo lai. Cu ruang ah, nihin tiang an kal thluahmah cio cu a si hnga. Cu nih a chuahpi vemi pakhat cu Nuva catial hi a si. Nuva catial cu tiah khuaruahhar zong a hun um pah. Nuva catial ti cu, zeidang silo in, Nupi he, Pasal he catialtu a simi khi chimduhnak a si. Catial tiah ti phot an tha bik rua ka ti. A ruang cu catial thiam an si le silo cu laklawh a um rua ka ti.

Bangkok: Ralkap cozah uknak nih Zertian, Thintawi le Ziachiat tbk. dahlo a dang zeihmanh a thami chuahpi rua lo

Bangkok Khualipi; Salai SH Lian (Photo)

Ruahlopi in ka mobile ah 'ting2' timi thawngpang a hung thang! Zaan ah si, ka hawipa nih a ka riak i kan thu ko rih. Signal silo ah Whatapp ah na rak online kho ta lai maw? Biaruah kan in duh, chikhat telawng a si lai.... Bangkok, Malaysia silo ah, Bangladesh ah pakhat chingchang si khawh ahcun ti a si. Cutincun, Hakha chuahtak ka timh hlan zarhkhat aa duh ah tlawnkai ding lam a hung um.

Zaukphung Muru Le Nuhrin Covo Mit In Hakha Vawlei Buainak Kong Zohnak

Published in The Chinland Post on 2019 February 1| Biadomhnak: Aa thleng cuahmahmi ram ahhin buaibainak hi a hleikhun in a tam duh i, a chuak duh theu tawn. Asinain, cucu buainak cu zeitindah an tawlrel i tlamtling ding le relrem ding in an tuah timi hi a biapimi cu a si. Kan ram, Ramkomh Kawlram a thlennak hi, 2010 in kan chim a si ahcun, kum 9 fai a kal cang. Kum 2010 in 2015 kar ah, Ralkap nih anmah dirkamhtu ah an sermi phu nih cozah an ser i, thlennak a chuahpitu cozah tiah vawleipi nih thangthat an hung si.

Australia Cozah Tonnak Hi A Donghnak A Si Lo, A Hram Thawk Lawng A Si Rih

Published in The Chinland Post on 2019 January 30| Australia Cozah Tonnak Hi A Donghnak A Si Lo, A Hram Thawk Lawng A Si Rih

Prime Minister Scott Morrison he ~Photo Prime Minister Office

Australia Chin Zatlang Bu (Australia Chin Federation-ACF) hruainak in 2018 December 3-4 ah Australia rampi Uktu Bawi Prime Minister, Minister a dangdang le cozah riantuantu, MPs le ramleng pehtliahnak tuanvo ngeitu hna cu Chin miphun ralzam kong le Chin miphun kong ah Chin Human Rights Organization (CHRO) riantuantu upa hna he tonbiaruahnak kan ngei.

Facebook ’10 Year Challenge’ Nih Zeidah A Chuahpi, Tihphan Ding A Um Maw?

Published in the Chinland Post on 2018 January 25|  Facebook ’10 Year Challenge’ Nih Zeidah A Chuahpi, Tihphan Ding A Um Maw?

Atulio Facebook le Instagram ah a lar ngaimi ’10 Year Challenge’ hi zeidah a si? A chuahpimi thatnak le chiatnak a um lai tiah na ruat maw? Tihphan awk tah a si lai tiah na ruat maw?

Social Media a hmangmi na si ahcun, atulio a lar ngaimi le hawi nih an tuah ciomi cu a luan ciami kum 10 hmanthlak le nihin dirhmun hmanthlak tarti a si. Cucu, ’10 Year Challenge’ tiah a hung lar ngaingai. Facebook, Instagram le Twitter a hmangmi pawl nih hlan lio le a tulio tiah an tar ciomi hmuh ding a tam ngaingai. Cucu, tulio ah online ah a lar bikmi pakhat a si tiah kan ti khawh.