Ebola cu minung nunnak a
donghter kho colhmi zawtnak pakhat a si i vawlei pumpi ah a karh cuah mah caah tih a nungmi a si tiah World Health Organization (WHO) nih a ti. Cun August
8,2014 ah vawlei cung ngandamnak lei thiaimsang pawl nih Nitlak Africa an hmuhmi le
vawleipi ah khualrang tak in mi a chonh khawhnak a ngeimi Ebola zawtnak kong ah
vawleipi huap in kan tuan zok a hau tiah an thanh. Nitlak Africa lei Guinea, Liberia and Sierra Leone ah cun Ebola zawtnak nih a hloh ngai cang hna i Nigeria ram lei zong ah zawtnak a phan cang tiah theih a si. Ebola zawtnak a thok in nihin tiang an theih khawhmi a thimi minung 961an si cang i munung 1799 (A thimi le zawtnak an hmuhmi miinung cazin hi a karh lengmang rih) sin ah an hmuh tiah August 7 ah WHO chirhchan in CNN nih a tial.
Hi bantuk sivai thawng tukmi zawtnak hi vawlei cung pumpi ah a karh ding hi a biapi in tih a nung tukmi a si, ngandamnak lei zohkhennak that lonak hmun, a tulio zawtnak a umnak hmun pawl caah hin tihnung khun. Cun vawlei cung pumpi ah a karhlonak ding caah kan zapi in tanti in Ebola zawtnak hi doh a hau tiah Ebola kong ah tlacop meeting an tuahnak ah a chim WHO nih cun a ti.
Cucaah atu hi Europe le USA pinah ram kip nih Africa in a lutmi paoh felfai taktak in an chek hna. France ah a lut manh tiah an rak ruah caah June thok hrawng khan France tlawn zong ah ralrin a herh an rak ti. Asinain atu hi i chawnh chin lengmang i a karh chinchin dawh a si caah WHO cu a lungre thei ngai. Cun, Ebola zawtnak ruang ah Nitlak Africa ram lei he a pehtlaimi vanlawng tampi an zuang ti lo. Kan hnu zarhpi ni thok in Ivory Coast cozah nih Ebola zawtnak a umnak lei poah ah vanlawng zuan lo ding in nawl an chuah. Vawlei cung pumpi a zuangmi Emirate vanlawng zong a pakhatnak a zuang tilomi international airlines a si. Cun, pan-Africa vanlawng ASKY, vanlawng hmemi Arik Air pawl zong an zuang tilo. Mizapi caah zawnruahnak he, British Airways zong Sierra Leone le Liberia kan hnu cawn nihnihni hnu in a zuang ve tilo.
Liberia Ah Ebola Sii Thar Hneksaknak;
Liberia cozah nih Ebola hneksak thlopnak caah hmanh dingmi US sin ah a hal bantukin White House le US Rawl le Sivai zohkhennak (Food & Drug Protection) zong nih nawl a pek cang tiah theih a si. Ebola hneksak thlopnak sivai thar ZMapp (Sii thar) cu US cozah nih Liberia sin ah a pek lai.
A tuzarh chung ah hneksaknak in hman dingmi siivai thar ZMapp cu US cozah aiawhtu pawl nih Liberia cozah sin ah an rak ratpi lai. Ebola zawtnak rungrul thlopdamhnak caah vawileipi theih in hmannak nawl an chuah rihlomi silo ah theihpi rihlomi ZMapp (Sii thar) cu American missionary minung 2 kan hnu zarh ah an thlopnak hna. Cucu a voikhatnak bik ZMapp sii cu minung sin ah an hman a si. ZMapp si thar an pek hna hnu in missionary pahnih cu an dam deuh ngai tiah theih a si
Vawileipi theih in
hmannak nawl license an chuah rihlomi ZMapp sii thar hmannak kong ah Ebola
zawtnak a tam biknak ram mipi le thiamsang nih August 11, 2014 ah ceihkhannak
an ngei. An ceihkhan ah theipi a si rihlomi sii nih minung caah kap dang in zeibantuk
a thalo mi dah a chuah pi lai i, aho dah hmannak nawl kan pek hna ti pawl a si.
Ebola
Zawtnak A Langhning (Let-kha-na);
Ebola zawtnak cu minung pakhat le khat i pehtlaihnak in a
chuah kho i a bik in zawtnak a ngeimi minung pum chung in a chuakmi a tihang
pawl tck. Minung thlan, thi, cil, zun le a dang takpum chung a chuakmi in
fawite in i chonh khawh a si. Ebola cu tlangrai sasawh a si lo, hi zawtnak a zawmi minung chung
in 50-90% cu an thi hrimhrim. A fawinak in atulio vawleicung zawtnak/tlangrai
lakah thih a fawibikmi phun khat a si i thate in thlop ko hmanh ah zarh tlawmte
chung ah an nunnak a liam. Zawtnak thopnak caah minung pum chung a
tihang pawl a bik in thi khatter peng a hau i pum nih zawtnak a doh khawhnak
caah dinti tampi in din piak a hau.
Ebola a voikhatnak bik an rak hmuh cu 1972 ah a rak si. Minung thi a raltu le thattu zawtnak rungrul pakhat a si. Hi zawtnak a dotu le mizaw a thlawptu siibawi te lila a chawnh hna i 1972 in nihin tiang 2300 hrawng nunnak a laak cang.
Ebola Zawtnak in a thimi minung zapifonh ah 4000 lengkai an si cang tiah World Health Organization (WHO) nih a chimmi cu BBC nih Breaking News ah a tial. BBC thawngthanhnak nih cun atu thawngbultan in kan vun langhter chung. A ruahhlan ah, tlingte in langter khawh kan izuam lai tiah an tial chih fawn.
A donghnak bik theihnak ning ah Ebola zawtnak in a zawmi minung 8,376 an si cang i, cu chung ah a thimi minung 4,024 an si cang tiah BBC nih cun, Thawngbultan an tial hnu minute 20 tluk ah a vun tial chap. A tambik an thihnak hmun le zawtnak rungrul an hmuhnak hmun cu, Nitlak (West) Afirca ram chung in, Guinea, Liberia le Sierra Leone hna an si.
Liberia President Ellen Johnson Sirleaf nih hi cawnh khawh a simi zawtnak Ebola in a zawmi le zawtnak a ngeimi poah cu an zawtnak a dam le a thian tiang hmun dang i chiah ding in nawl a chuah cang. Asinain, Liberia MP pawl nih President nawl chuahmi cu an cohlang duh lo tiah thawngtheih a si fawn tiah BBC nih cun a tial.
Ebloa Zawtnak Rungrul Kong ah WHO nih ASEAN Ramkom Pawl Sinah Ralrin A Pek
ASEAN ramkom pawl i ralring u tiah World Health Organizaton (WHO) nih a ti. Ebola Zawtnak Rungrul cu Nichuak Ram (ASEAN) lei ah a rak phan kho men tiah zumh a si. Cucaah, WHO nih Ebola rungrul a hlankan in runvennak caah tuah ding tete an langhter. Cu hna cu, Khuachung ah zawtnak a luhlonak ding caah thate in thianfaiter ding, Zawtnak kong kherhlainak tuah ding, Sizung in zohkhennak tha pek ding le Ebola zawtnak rungrul kong a si khawh chung in fianternak tuah le ralrinnak pek ding an si.
A tanglei ah Ebola zawtnak rungrul a phanh khawhnak ram pawl Zuk (Map) in ka langhter.
 |
| Hmanthlak: A deh-deh tete in a rinnak hi Ebola a phan kho men an tinak a si |
Salai SH Lian
12082014
No comments:
Post a Comment