APJ Abdul Kalam Thihni, July 27 Le Biaroling

Nihin hi ka thlah lengmangmi APJ Abdul Kalam a thih ni, July 27 a si. A tuanbia tawi ṭial ding ah a ka halmi zong nan um, nain ka ṭial rih lo. A ruang tampi ruang ah a si tiah rak ka ruahpiak thiam chung u tiah kan nawl hna. Nain, nihin hi a thih kum 3 a tlinnak a si caah a tawite in ka hun ṭial. Hi a thih ni kum 3 a tlin hlan ah a nunchung ah a chim takmi biaroling tampi chung in keimah nih ka duh deuhmi thazaang peknak a chimmi ka hun in hromh chinmi hna a si. 

APJ Abdul Kalam in 2008

Amah hi, Avul Pakir Jainulabdeen Abdul Kalam tiah a min puitling a si nain, APJ Abdul Kalam tiah theihhngalh deuh a si. 15 October 1931 ah Rameswaram, Tamil Nadu ah a chuak i, 27 July 2015 ah Shillong ah a nunnak a liam cangmi a si. 

A voi 11nk India President, 2002 in 2007 tiang a tuanmi a si. A cawnnak le ṭuannak in scientist a si i, ram rianṭuan in a nunnak a dihmi a si. A cawnnak ah physics le areospace in a dihmi a si. India ram chungah pekmi minṭhatnak tampi a ngahmi a si. 

President 2002-2007 tiang term khat a ṭuan dih hnu ah, mizapi he pehtlaihnak ah fimcawnnak (education), caṭial (writing), mizapi sin ah biachimnak in thazaang peknak a ngei hna. 

Cu bantukin mizapi le siangnakchia tampi sin ah biachimnak a ngeih lio ah a nunak a liammi a si. A donghnak bik a biachimnak hmun cu Indian Institute of Management Shillong ah a si. Biachimnak a ngeih cuahmah lio ah, a tlu i, a nunak a liammi India ram minthang President, caṭial thiam, a si. A thih ahhin, kum 83 a si i, dinlo in mino, siangngakchia le mizapi he thazaang pek in pehtlaihnak a tuah zungzalmi a si.

Tu zaan ah, a mah philhlonak le a thih ni camtuak hngalh ṭhannak ah, a biachimmi chung in pathum ka hun in hromh ṭhan hna;

Mi pakhat nihhin harsatnak a ton hrim a herh, zeiruang ah tiah cun, hlawhtlinnak a hmuhmi lawmhnak ding caah a herhmi an si.  

Man needs his difficulties because they are necessary to enjoy success. -APJ Abdul Kalam +++

Khuaruahnak lungthin le nithawng nihhin thil tikhawhnak a khatmi pakhat an ngeih, cucu an pahnih in hun lio lawng ah san an tlai; cu lo ahcun, kan caah thilrit sawh men an si.

Mind and Umbrella have one thing in common, they are useful when they are open; otherwise they increase our Burden. -APJ Abdul Kalam+++

Ka hman ko tiah na ruah ko bu ah, mi nih an in soisel, na lung an in fahter, an in hauh i au hnawh zong ah na zeihmanh poi duh hlah. Na philhlo a herhmi cu, "zei bantuk celhzuamnak poah ahkhin, thawngpang thang in hna a chetmi cu lente a celhmi silo in, a zohtu an si deuh ṭheo tawn. Cucaah, a celhmi si ko! Nangmah le nangmah izum law, a ṭha bik in tuah khawhtu izuam.  

If you believe you are right, but still people criticize you, hurt you, shout at you, don't bother. Just remember that "In every game, only audience make noise, not player." Be a player. Believe in yourself. And do the best.  -APJ Abdul Kalam +++

Kan hun peh ṭhante lai....

Salai SH Lian