 |
| Photo: Variety.com |
Cakuat ṭial ding pakhat lawng na ngeih ahcun, chun nitlak na rau ko lai. Nain, cakuat 20 ṭial ding na ngeih zong ah, nikhat ah na lim ṭhiam fawn lai (Parkison Law).
If you have only one letter to write, it will take all day to do it. If you have twenty letters to write, you'll get them done in one day (Parkison's Law).
1912 April 14, zaan tim ah a cangmi kha tampi nih kan theih lai dah. Rili nganpi ah vawleicung ah tilawng a ngan bikmi (Titanic) a rak pil zaan kha a si.
Kha tilawng nganpi nih, tikhaltlang a pah i lawng tichung ah pil a timh thluahmah lio ahkhan, an sikhawh chung in, minung nunak khamhnak ding caah tilawng rianṭuantu pawl an cawlcang, an i zuam.
Cu lio ahcun, pitarnu pakhat kha a pil cuahmah mi Titanic tilawng nganpi in a hme mi, zah chommi lawng ah ṭhial ve ding ah a hun phan.
A phan i lawng fate cung a cuan hlan ahkhin, chikhatte caan ka ngei maw? tiah a hal hna i, lawng rianṭuantu nih minute 3 caan na ngei tiah an rak leh.
Cu minute 3 telawng a ngeihmi caan chung ahcun, a umnak [room chung] ah a rannak in a hei kal. A kal pah ahcun, a hopoah nih an i ranh tuk ruang ah an thlau takmi sui, ngun le chawva phunphun siseh, tangka tbk. tiang in a hei lamh pah bu cun, a [room chung cu] hei phan.
Amah a umnak i a chiah takmi a sui, ngun, chawva zong cu pakhat hmanh lak lo in, theithu (orange) pumthum te cu a hei lak i, rian rang ngai cun lawng hme mi umnak lei ahcun, a hei kir ṭhan.
Cu hlan suimilam pakhat-hnih lio ah, Titanic lawngpi a rawh hlan ah, mah pitarnu nih khan, thingkuang nganpi khat lakte a ummi theithu le diamond hme parikte khi thlen a duh hnga maw timi ruah ahcun, nichuak hmanh khi a si men hnga. A ruah zong ruah ngam awk khi a si hnga lo ta!
Asinain, tilawng cung ah a cangmi thinl sining le caan nih zei zong vialte cung ah man khiahnak a tuah dih.
Caan le thil sining nih lai a rel ngaingai....
SHL (2017 Feb)
No comments:
Post a Comment